Մարտի 16-ին, ժամը 15:27-ին ահազանգ է ստացվել, որ Երեւան-Սեւան Մ4 ավտոճանապարհին` Հրազդան քաղաքի մոտակայքում տեղի է ունեցել ՃՏՊ. կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Երեւան-Սեւան Մ4 ավտոճանապարհի 50-րդ կմ-ին բախվել են «Lada 2121» մակնիշի 334 AA 01 (վարորդ՝ 1955 թ. ծնված Լ. Մ.) եւ «Zil 130» մակնիշի 35 AN 316 (վարորդ՝ 1977 թ. ծնված Ա. Ս.) պետհամարանիշերով ավտոմեքենաները:
Փրկարարները «Lada 2121» մակնիշի ավտոմեքենայի վարորդ Լ. Մ.-ին եւ ոււղեւոր՝ 1952 թ. ծնված Հ. Պ.-ին մոտեցրել են շտապօգնության ավտոմեքենային, ովքեր հոսպիտալացվել են Հրազդանի ԲԿ: Բժիշկները նրանց առողջական վիճակը գնահատել են բավարար:
Փրկարարները հոսանքազրկել են ավտոմեքենան եւ փակել գազի բալոնի փականը: