Շաբաթ Գերմանիայի կանցլեր Անգելա Մերկելը եւ Չինաստանի նախագահ Սի Ցզինպինը հեռախոսազրույց են ունեցել, որի ընթացքում շնորհավորել են միմյանց վերընտրվելու առիթով եւ երկու երկրների միջեւ ռազմավարական գործընկերության մասին են խոսել: Այս մասին հաղորդել է Գերմանիայի կառավարության պաշտոնական ներկայացուցիչ Շտեֆեն Զայբերտը, հաղորդում է ՏԱՍՍ-ը:
«Կանցլերը չինական կառավարությանը այս տարի միջպետական խորհրդակցությունների է հրավիրել Բեռլին, Չինաստանի նախագահը հրավիրել է կանցլերին այցելել Չինաստան», - ասել է նա: Երկու երկրների առաջնորդները շեշտել են Գերմանիայի եւ Չինաստանի սերտ հարաբերությունները եւ երկու երկրների միջեւ հետագա ռազմավարական գործընկերության խորացման օգտին են արտահայտվել», - ասել է Զայբերտը:
Մերկելը եւ Սի Ցզինպին նաեւ քննարկել են պողպատաձուլական արտադրության հզորությունների ավելցուկի խնդիրը եւ համաձայնել աշխատել դրա լուծման համար «քսանյակի» շրջանակներում: «Այս առումով շեշտել են առեւտրի բնագավառում սերտ միջազգային համագործակցության կարեւորությունը», - ասել է Գերմանիայի կառավարության ներկայացուցիչը:
Զրույցի մյուս թեման, ըստ նրա, ԿԺԴՀ հրթիռային եւ միջուկային ծրագիր է եղել:
