Վորոնեժի մարզում Հայաստանից ավտոբուսի եւ բեռնատարի վթարի հետեւանքով տուժածների թիվը հասել է 9-ի, «ՌԻԱ Նովոստի»-ին հայտնել է Պավլովի Կենտրոնական շրջանային հիվանդանոցի ներկայացուցիչը:
«Նրանցից 7-ը Հայաստանի քաղաքացիներ են, 8-րդը Ադիգեյից ՌԴ քաղաքացի է: Իսկ ահա իններորդին հենց նոր բերեցին, նա նույնպես Հայաստանի քաղաքացի է, ինքնուրույն է դիմել»,- ասել է հիվանդանոցի ներկայացուցիչը:
Վորոնեժի մարզի ՆԳ գլխավոր վարչության տեղեկություններով՝ ավտոբուսի վարորդը կորցրել է կառավարումը, դուրս եկել հանդիպակաց ուղեմաս եւ ճակատով բախվել բեռնատարին: Ոստիկանության տեղեկությոններով՝ բեռնատարի վարորդը եւ ավտոբուսի մի ուեւոր, որոնց ինքնությունը պարզվում է, մահացել են: Ավելի վաղ Միացյալ հերթապահ-ենթակարգավարական ծառայությունից հայտնել էին, որ զոհվածները փոխադրամիջոցների վարորդներն են:
Զոհվածների եւ տուժածների մասին տեղեկություններ ստանալուց հետո ոստիկանության աշխատակիցները կտեղեկացնեն նրանց հարազատներին:
«Ճշտված տեղեկություններով՝ ավտոբուսում եղել է 52 մարդ, որոնցից 10-ը տուժել են»,- «ՌԻԱ Նովոստի»-ին ասել է ՌԴ ԱԻՆ ներկայացուցիչը՝ հավելելով, որ մյուս ուսեւորներին տեղավորել են ավտոկայանին կից հյուրանոցում: Հիմա որոշվում են ժամանակվոր տեղավորման կետի կազմակերպման եւ մարդկանց նշանակման վայր հասցնելու հարցերը:
