News
Լրահոս
News
Շաբաթ
Դեկտեմբեր 15
Տեսնել լրահոսը

Հայաստանի Ազգային ժողովը այսօր՝ մարտի 21-ին, մերժեց «Ելք» խմբակցության առաջարկած «2008 թվականի մարտի 1-2-ի իրադարձությունների վերաբերյալ» ԱԺ հայտարարության նախագիծը:

Հատկանշական է, որ թեեւ միայն «Ելք» խմբակցությունն էր հայտարարել, որ կողմ է քվեարկում նախագծին, սակայն կողմ քվեարկեց 14 պատգամավոր («Ելք»-ի խմբակցությունում 9 պատգամավոր կա միայն): ԱԺ փոխնախագահ Էդուարդ Շարմազանովը հայտարարեց, որ շփոթմունք է եղել:

ԱԺ նիստը վարող խորհրդարանի նախագահ Արա Բաբլոյանը խնդրեց ձեռք բարձրացնել նրանց, որոնք շփոթմամբ են կողմ քվեարկել, որի արդյունքում հայտարարեց, որ որոշումը չի ընդունվում 9 կողմ, 51 դեմ եւ 7 ձեռնպահ ձայներով:

Նախքան քվեարկությունը «Ծառուկյան» խմբակցության պատգամավոր Գեւորգ Պետրոսյանը նշեց. «Ծառուկյան» դաշինքը կիսում է մարտի 1-ի զոհերի հարազատների վիշտը, բայց ելնելով ներկայացված հայտարարության տառացի մեկնաբանությունից, որտեղ մասնավորապես, պահանջ կա ԱԺ կողմից իրավապահ մարմիններին որոշակի դատավարական գործողություններ կատարել որոշակի ժամկետում, այստեղ տեսնում ենք Սահամանդրության 4-րդ հոդվածի խախտման վտանգ, դրա համար «Ծառուկյան» խմբակցությունը չի քվեարկի: Մենք այստեղ խորհրդարանական վերահսկողությունը չպետք է տարածական մեկնաբանենք այնպես, որ դա արտահայտվի իշխանությունների տարանջատման սկզբունքի խախտման ձեւով»:

Ի պատասխան «Ելք» խմբակցության ղեկավար Նիկոլ Փաշինյանը հայտարարեց, որ իրենք ԱԺ հայտարարության տեքստը դրել են քվեարկության, եւ որեւէ խմբակցության կողմից չի եղել որեւէ առաջարկ:

Հիշեցնենք, որ ԱԺ պետաիրավական եւ մարդու իրավունքների պաշտպանության հանձնաժողովը բացասական եզրակացություն էր տվել հայտարարության նախագծին, սակայն այդուհանդերձ, այն ընդգրկվել էր ԱԺ նիստերի օրակարգում:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռոբերտ Քոչարյանի պաշտպանները կալանքի որոշումը կբողոքարկի. օրակարգում է նաեւ ՍԴ եւ ՄԻԵԴ դիմելու հնարավորությունը
Հիշեցնենք, որ Վերաքննիչ դատարանը՝ նախագահությամբ դատավոր Ռուբիկ Մխիթարյանի, մերժել էր ՀՀ երկրորդ նախագահ Ռոբերտ Քոչարյանի պաշտպանական…
Արման Թաթոյանն այցելել է Ռոբերտ Քոչարյանին եւ առանձնազրույց ունեցել նրա հետ
Այցելել եմ ՀՀ երկրորդ նախագահ Ռոբերտ Քոչարյանին, ունեցել եմ առանձնազրույց, քննարկել ենք մարդու իրավունքների պաշտպանի իրավասությանն առնչվող բոլոր հարցերը...
Վահագն Հարությունյան․Ամբողջ այս գործընթացները ուղղորդված են
Ոչ միայն հետախուզումը, այլև ողջ գործընթացն ի սկզբանե ապօրինի է, անհիմն, շինծու․․․
ՀՔԾ պետի հայտարարությունն անմեղության կանխավարկածի խախտում է. Արմեն Գեւորգյանի պաշտպան
Արմեն Գեւորգյանի ազատության համար գրավ են առաջարկել. նախկին պաշտոնյան խոսել է դատարանում
Արմեն Գեւորգյանի խափանման միջոցի վերաբերյալ որոշումը կհրապարակվի դեկտեմբերի 14–ին
Եթե դատարանի կողմից քննիչի միջնորդությունը մերժվի, Արմեն Գեւորգյանը հանդես կգա հայտարարությամբ եւ բոլոր պարզաբանումները կտա…
Արմեն Գեւորգյանը Ռոբերտ Քոչարյանի հետ շփում չի ունեցել. պաշտպան
Արմեն Գեւորգյանին կալանավորելու հիմքեր չկան…
Partner news