News
Լրահոս
News
Շաբաթ
Դեկտեմբեր 15
Տեսնել լրահոսը

Կաշառք վերցնելու մեջ մեղադրվող Շենգավիթի նախկին դատավոր Իշխան Բարսեղյանը այսօր՝ մարտի 22-ին, Երեւան քաղաքի ընդհանուր իրավասության դատարանի Շենգավիթի նստավայրում, ինքնաբացարկի միջնորդություն ներկայացրեց նախագահող դատավոր Վաչե Մարգարյանին։

Իր ներկայացրած միջնորդությունում Բարսեղյանը նշեց, որ ինքը մասնակցություն չի ունեցել ԱԱԾ-ի կողմից կաշառքի նմանակում օպերատիվ գործողությանը, որը գործով կարեւոր ապացցույց է հանդիսանում։

«Իմ հարցաքննությունների տակ իմ ստորագրություն ես չեմ դրել, այնինչ հարցաքննության ներքեւում գրված է, որ այն բարձրաձայն ընթերցվել է եւ ստորագրվել է իմ կողմից։ Դատարանն իր որոշմամբ արտահայտելով իր համակարծիք լինելը մեղադրողի հետ, դիտավորությամբ, կամ ոչ դիտավորությամբ ապօրինություն է թույլ  տվել, քրեական դատավարության կոպիտ խախտում՝չապացուցված մեղադրանքի մասերը մեկնաբանելով հօգուտ մեղադրողի կողմի, այլ ոչ թե՝ մեղադրյալի։ Դատարանում կանխակալ վերաբերմունք է ցուցաբերվել գործում առկա ապացույցներին»,-հայտարարեց Իշխան Բարսեղյանը՝ նշելով, որ ինքնաբացարկի միջնորդությունը ինքը դեռ վաղուց էր գրել, սակայն նիստերին չներկայանալու պատճառով չէր կարողացել ավելի շուտ ներկայացնել։

Ամբաստանվող դատավոր Իշխան Բարսեղյանը հայտարարեց, որ դատարանը կանխակալ վերաբերմունք է դրսեւորել գործում առկա ապացույցներին, հաստատել է կեղծ ստորագրությամբ արձանագրությունը, եւ դրանց գնահատական է տվել՝ «էական նշանակություն չունեցող»

«Փաստորեն ես ասում եմ իմ ստորագրությունը կեղծված է, դուք ասում եք՝ էական նշանակություն չուն, մեղա քեզ Աստված»,-ասաց Իշխան Բարսեղյանը՝ հավելելով, որ վերոնշյալ հանգամանքերը հիմք ընդունելով է ինքը ինքնաբացարկի միջնորդություն ներկայացնում նախագահող դատավորին։ Նշենք, որ Իշխան Բարսեղյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 3-րդ կետով՝ կաշառք ստանալը: Կաշառքի միջնորդություն կատարելու համար փաստաբան Էլզա Զաքարյանին էլ մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով՝ Կաշառքի միջնորդությունը: Իշխան Բարսեղյանի նկատմամբ որպես խափանման միջոց ընտրվել է կալանավորումը:Նշենք, որ ըստ ԱԱԾ տարածած հաղորդագրության՝ քաղաքացիական գործով կողմի օգտին որոշում կայացնելու համար դատավորը պահանջել եւ Երեւանի հետիոտնային գետնանցումներից մեկում անձամբ ստացել է 1000 ԱՄՆ դոլար գումար, որի փոխանցումն իրականացվել է Ազգային անվտանգության ծառայության աշխատակիցների օպերատիվ վերահսկողության ներքո:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայտնաբերվել է Երեւանում 10-ամյա աղջնակի նկատմամբ անառակաբարո գործողություններ կատարած 68-ամյա տղամարդը
Իրավապահները դեկտեմբերի 14-ին հայտնաբերել են դեկտեմբերի 13-ին Քանաքեռ-Զեյթուն վարչական շրջանում...
Նախօրեին Խանջյան փողոցում մահվան ելքով վրաերթի մասնակիցը «Սպիտակցի Հայկոն» է. նրան գտել են (ֆոտո)
Պարզվել է նաեւ, որ Kia-ն վարել է 43-ամյա Արայիկ Չ.-ն, ով ծառայում է ՀՀ ՊՆ N զորամասում, իսկ մահացածը...
Խոշոր վթար Ձորաղբյուրի ճանապարհին. կան վիրավորներ. ոստիկանությունը փնտրում է Audi-ի վարորդին (ֆոտո)
Ըստ նախնական տեղեկությունների՝ վթարից հետո Audi-ի վարորդը…
Նյուրնբերգում անհայտ անձը հարձակվել է երեք կանանց վրա. ոստիկանությունը պարզում է դրդապատճառները
«Երեք առանձին հանցագործություններ, որոնք կատարման եղանակով նման են հարձակումների շարքի», -ասել է իրավապահ մարմինների ներկայացուցիչը...
Աֆղանստանում զինյալները հարձակվել են թաղման թափորի վրա․ կան զոհեր
Այս պահի դրությամբ որեւէ շարժում կատարվածի պատասխանատվությունն իր վրա չի վերցրել․․․
Ընկերությունը ՊՆ–ի հետ կնքել է 3 պայմանագիր, ստացել 120 մլն դրամ, բայց պարտավորությունը չի կատարել
Պարտավորությունները չկատարելու դեպքերի առթիվ հարուցվել են քրեական գործեր, պարզվել են նոր հանգամանքներ...
Partner news