Միացյալ Նահանգների նախագահ Դոնալդ Թրամփը հայտարարել է, որ կծեծեր երկրի նախկին փոխնախագահ Ջո Բայդենին եւ նրան կստիպեր լաց լինել: Այդ մասին նա գրել է Twitter-ում։
Թրամփն այսպես է արձագանքել Բայդենի խոսքին, որը CNN-ին տված հարցազրույցում հայտարարել է, թե միջնակարգ դպրոցում նրան կտաներ մարզասրահ եւ «նրա միջից կհաներ ամբողջ հիմարությունը»՝ կանանց նկատմամբ նրա անհարգալից վերաբերմունքի համար, հաղորդել է «ՌԻԱ Նովոստի»–ն:
«Ցնդած Ջո Բայդենը փորձում է իրեն զիլ տղայի տեղ դնել: Իրականում նա թույլ է ինչպես հոգեպես, այնպես էլ ֆիզիկապես, եւ, այնուամենայնիվ, նա երկրորդ անգամ ինձ սպառնում է ֆիզիկական հարձակմամբ: Նա ինձ չգիտի, ես նրան շատ արագ ու թափով գետնին կտապալեի, եւ նա անվերջ լաց կլիներ: Մի սպառնա մարդկանց, Ջո՛»,- գրել է Թրամփը Twitter-ում:
Crazy Joe Biden is trying to act like a tough guy. Actually, he is weak, both mentally and physically, and yet he threatens me, for the second time, with physical assault. He doesn’t know me, but he would go down fast and hard, crying all the way. Don’t threaten people Joe!
— Donald J. Trump (@realDonaldTrump) 22 марта 2018 г.