Որեւէ պետական պաշտոնյա, կուսակցական գործիչ իրավունք չունի քոմենթել, մեկնաբանել գերագույն գլխավոր հրամանատարի որոշումները։ Այդ մասին ասել է ՀՀԿ մամուլի քարտուղար, ԱԺ փոխնախագահ Էդուարդ Շարմազանովը՝ պատասխանելով Հայկազ Բաղմանյանին ՀԱՊԿ գլխավոր շտաբի պետի տեղակալի պաշտոնում նշանակելու որոշումը։
Դիտարկմանը, թե Բաղմանյանին ՀՀ ԶՈՒ գլխավոր շտաբից ազատել էին պարտականությունները վատ կատարելու պատճառաբանությամբ, Շարմազանովը պատասխանել է, թե զինվորական պաշտոնների նշանակման որոշումները կայացնում է գերագույն գլխավոր հրամանատարը։ «Դա գերագույն գլխավոր հրամանատարի մենաշնորհն է՝ ում առաջադրել, ում նշանակել համապատասխան պաշտոնի։ Սա Էդուարդ Շարմազանով քաղաքական գործչի լիազորությունների մեջ չի մտնում, որ մեկնաբանեմ նախագահի որոշումները»,- ասել է Շարմազանովը։