«Հրապարակ» թերթը գրում է. «Պարոն Մարուքյան, ԱԺ պատգամավորների ամերիկյան այցի առնչությամբ ասվում է, որ պարոն Միլզը Հայաստանին հրաժեշտ տալուց առաջ Ձեզ եւ Արփինե Հովհաննիսյանին ինքնահաստատման քարտ-բլանշ տվեց: «Ես լիրիկական զեղումներով չեմ զբաղվում. Միացյալ Նահանգներում շատ լավ հանդիպումներ ենք ունեցել, շատ լավ աշխատել ենք»: Ի՞նչ էիք անում այդքան երկար․ պատգամավորական պատվիրակությունը եկել էր, Դուք` ոչ։ Խուսափո՞ւմ էիք «Ելքում» ընթացող փողոցային պայքարի քննարկումներից։
Ի դեպ, Հայաստանում կատակում էին անգամ, որ Հրանուշ Հակոբյանն էր սկսել անհանգստանալ ու «կանչում» էր` Էդմո՜ն, արի տուն։ «Չգիտեմ, թե ինչու էր անհանգստացած տիկին Հակոբյանը, եւ ով էր ասում` Էդմոն, արի տուն. երեւի ամենաշատը երեխաներս եւ կինս էին ուզում, որ տուն գայի, բայց, ամեն դեպքում, ես այնտեղ էի անհատական ծրագրով։
Օվկիանոսը կտրել-հասնել Ամերիկա՝ հեշտ չէ, եւ եթե գնացել ես, գոնե պետք է կարողանաս գործ անել, եթե ծրագիր ունես։ Ես ծրագրել էի ելույթով հանդես գալ Կարնեգի հիմնադրամում, «Ատլանտիկ կոնսուլսում», որից հետո կարեւոր հանդիպումներ եմ ունեցել մի շարք միջազգային կազմակերպություններում»: Ի՞նչ տվեց դա հայոց հայրենիքին ու «Ելքին»: «Տվեց նոր կապեր, նոր թարմացումներ, նոր գաղափարներ»:
Առավել մանրամասն՝ թերթի այսօրվա համարում
