Facebook-ի կապիտալիզացիան մեկ շաբաթվա ընթացքում նվազել է 58 մլրդ դոլարով: Սա հայտնի դարձավ մարտի 24-ին՝ Նյու Յորքի բորսայում գործարքների ավարտից հետո, հաղորդում է DW-ն:
Ամերիկյան ֆոնդային շուկայում ընկերության մեկ բաժնետոմսի արժեքը երկուշաբթի 177 դոլար 1 ցենտից մինչեւ ուրբաթ նվազեց 159 դոլար 39 ցենտի:
2012 թվականին բաժնետոմսերի սկզբնական տեղաբաշխման ժամանակ շուկան սոցիալական ցանցը գնահատել էր 104 միլիարդ դոլար: Օգտատերերի մշտական հոսքի եւ թվային շուկայում գովազդի գերիշխանության շնորհիվ, մեկ բաժնետոմսի արժեքը 2018 թվական փետրվարի սկզբին աճել էր 38 դոլարից մինչեւ 190 դոլարի:
Սակայն առաջիկա ամիսներին բաժնետոմսի գինը կարող է իջնել մինչեւ 152 դոլարի, կարծում է Pivotal Research-ի վերլուծաբան Բրայան Ուիզերը: Այս կանխատեսումը նա պատրաստվել էր մինչեւ տվյալների արտահոսքի պատճառով սկանդալից առաջ:
