Հայկական բնակավայրերը վտանգի տակ կլինեն, եթե Թուրքիայի ռազմական գործողությունները տարածվեն Սիրիայի հյուսիսային տարածքներում: Նման կարծիքը մարտի 26-ին լրագրողների հետ հանդիպման ժամանակ հայտնեց ՀՅԴ Հայ դատի եւ քաղաքական հարցերի գրասենյակի ղեկավար Կիրո Մանոյանը:
Նրա խոսքով՝ վտանգի տակ կհայտնվի հայաբնակ Էլ-Քամիշլի քաղաքը: «Վստահ չեմ, որ Թուրքիային թույլ կտան այդքան տարածել իր ռազմական գործողությունները, սակայն Սիրիայի նկատմամբ տարբեր ուժերի շահերն այնքան հակասական են, որ նրանցից յուրաքանչյուրը ցանկացած պահի կարող է փոխել իր դիրքորոշումը»,- ասաց ՀՅԴ ներկայացուցիչը:
