Հայաստանը ներառվել է այն երկրների ցանկին, որոնք կօգնեն փախստականներին նոր բնակության վայրում նրանց որակավորումը ճանաչելու հարցում։
Եվրոպայի խորհրդի կողմից իրականացվող նախագծին միացել են Ֆրանսիան, Գերմանիան, Նիդեռլանդները, Կանադան եւ Հայաստանը, գրում է Euractiv–ը։
Նախագծի համակարգող Սջուր Բերգանի խոսքով, շատ փախստականների չի հաջողվում իրենց հետ վերցնել կրթությանը մասին փաստաթղթերը։ Հենց այդպիսի մարդկանց էլ կօգնեն շարունակել կրթությունը կամ աշխատանք գտնել իրենց բնակության նոր վայրերում։
Ծրագրի շրջանակներում աջակցություն են ստացել 73 փախստականներ, հիմնականում`Սիրիայից, Իրաքից եւ Աֆղանստանից:
Հայաստանը կմասնակցի երկրորդ փուլում, որը նախատեսված է երեք տարով։