Ռուսաստանցի լրագրող եւ հեռուստահաղորդավար Վլադիմիր Պոզները հայտարարել է, որ Դոնալդ Թրամփը, որպես նախագահ, Միացյալ Նահանգների համար աղետ է, նա, ընդհանրապես, ոչինչ չի հասկանում միջազգային քաղաքականությունից, հաղորդում է «ՌԻԱ Նովոստին»:
Պոզները կարծում է, որ ներկայիս ԱՄՆ նախագահը բացարձակապես պիտանի չէ այդ պաշտոնի համար:
«Թրամփը Միացյալ Նահանգների համար աղետ է: Նա ընդհանրապես ոչինչ չի հասկանում միջազգային քաղաքականությունից: Թրամփը կարծում է, որ խաղ է խաղում, ինչպես օրինակ մոնոպոլիա կամ պոկեր, որտեղ մեկը «9» է ցույց տալիս, իսկ մյուսը՝ «9 +2»:
Իսկ Twitter-ը, որտեղ նա գրառումներ է անում, ընդհանրապես դիվանագիտական շփման միջոց չէ: Դա խոսում է այն մասին, որ ԱՄՆ նախագահը բացարձակապես պիտանի չէ ցանկացած երկրում այդ պաշտոնի համար, հատկապես ԱՄՆ-ի համար», —լատվիական Baltkom ռադիոկայանին ասել է նա:
