Փորթոն Դաունի բրիտանական լաբորատորիայի փորձագետների եզրակացությունները, որ ՀԳՎ նախկին գնդապետ Սերգեյ Սկրիպալին եւ նրա դուստր Յուլյային թունավորել են նյարդակաթվածահարող «Նովիչոկ» նյութով, կասկածի ենթակա չեն: Այս մասին, ինչպես փոխանցում է ՌԲԿ-ն, նշված է Շպիցի Շվեյցարական քիմիական լաբորատորիայի հաղորդագրության մեջ, որին ավելի վաղ հիշատակել էր Ռուսաստանի ԱԳ նախարար Սերգեյ Լավրովը Սկրիպալներին BZ գազով թունավորելու մասին հայտարարության մեջ:

«Այս հայտարարությունը կարող է մեկնաբանել միայն ՔԶԱԿ-ն: Իսկ մենք կարող ենք կրկնել այն, ինչի մասին ասել ենք 10 օր առաջ. մենք կասկածներ չունենք, որ Փորթոն Դաունը «Նովիչոկը» նույնականացրել է: Նրանց աշխատանքի ստանդարտներն այնքան խիստ են, որ նրանց եզրակացությունները կասկածի ենթակա չեն»,- Twitter-ում նշել է շվեյցարական լաբորատորիան:

Only OPCW can comment this assertion.  But we can repeat what we stated 10 days ago: We have no doubt that Porton Down has identified Novichock. PD - like Spiez -  is a designated lab of the OPCW. The standards in verification are so rigid that one can trust the findings. #Skipal pic.twitter.com/3xp3dBFAdP

— Spiez Laboratory (@SpiezLab) 14 апреля 2018 г.

Ապրիլի 14-ին ՌԴ ԱԳ նախարար Սերգեյ Լավրովը հայտարարել էր, որ Քիմիական զենքի արգելման կազմակերպությունը ամոփիչ զեկույցում հաշվի չի առել շվեյցարացի փորձագետների եզահանգումները, որոնք ուսումնասիրել են «Սկրիպալի գործը»: Նրա խոսքով՝ փորձագետները հայտնաբերել են, որ թունավորման համար կարող էր օգտագործված լինել BZ նյութը, որը կիրառել են ԱՄՆ-ն եւ Մեծ Բրիտանիան:

Սկրիպալներին թունավորել են ԱՄՆ-ի եւ Բրիտանիայի սպառազինման մեջ եղած BZ նյութով. Լավրով https://news.am/arm/news/446395.html