Երեւանի Հերացի-Կորյուն փողոցների խաչմերուկում քիչ առաջ կրկին լարված իրավիճակ էր ստեղծվել:
NEWS.am-ի թղթակիցը հաղորդում է, որ ոստիկանները փորձել են ուժովց հեռացնել վաղ առավոտից փողոցները փակած ցուցարարներին: Ոստիկանության աշխատակիցներին, սակայն, չհաջողվեց ցուցարարներին հեռացնել փողոցի բանուկ հատվածից: Նշենք, որ այս մասում ցուցարարներին են միացել նաեւ դասադուլ անող ուսանողները: Ի դեպ, ցուցարարներից շատերն այժմ Նիկոլ Փաշինյանի գլխավորությամբ Խանջյան փողոցում են:
Հիշեցնենք, որ այսօր առավոտյան եւս այս հատվածում իրավիճակը բավականին լարված էր: Mercedes-Benz մակնիշի ավտոմեքենայի վարորդը փորձել էր վրաերթի ենթարկել ցուցարարներին: Մեքենայից իջած տղամարդիկ նախ պահանջել են բացել ճանապարհը, ապա հայհոյել են, հարձակվել ցուցարարների վրա, ծեծել նրանց, իսկ վարորդն էլ մեքենայով փորձել է վրաերթի ենթարկել ցուցարարներին: Ոստիկանության աշխատակիցները չեն միջամտել: Այնուհետեւ ցուցարարները բացել են ճանապարհը, սակայն, վարորդը չի կարողացել շարունակել ճանապարհը, քանի որ մյուս խաչմերուկն էր փակ:
