Երեւանի Ֆրանսիայի հրապարակում ընդդեմ Սերժ Սարգսյանի վարչապետության բողոքի ակցիայի մասնակիցները հանրահավաք են սկսել։

NEWS.am-ի թղթակիցը հայտնում է, թե հանրահավաքն ընթանում է այն վայրում, որը օրեր շարունակ փակ է եղել։ ԱԺ պատգամավոր Նիկոլ Փաշինյանը հայտարարեց, տեխնիկան Բաղրամյան պողոտա բարձրացնելը հնարավոր չէ, եւ պետք է հանրահավաք անել Ֆրանսիայի հրապարակում։ «Ես Օսիպյանի հետ խոսել եմ, երաշխիք է տվել, որ փշալարարեն առաջ չի բերի։ Իջնում ենք ներքեւը հանրահավաք անենք»,- ասել է Փաշինյանը։

Ավելի վաղ NEWS.am-ը հայտնել որ, որ քիչ առաջ Բաղրամյան պողոտայում բախում տեղի ունեցավ ցուցարարների եւ ոստիկանների միջեւ: Նիկոլ Փաշինյանը անցավ փշալարերի վրայով, նրան հետեւեցին այլ ցուցարարներ: Ոստիկանությունը հատուկ միջոցներ, մասնավորապես, լուսաձայնային նռնակներ կիրառեց ցուցարարների նկատմամբ: Բախումների հետեւանքով վիրավորվել է 46 անձ, այդ թվում ինքը՝ Նիկոլ Փաշինյանը: Վիրավորներից վեցը ոստիկաններ են։

Բաղրամյան պողոտայում տեղի ունեցած բախումների հետեւանքով հիվանդանոց են տեղափոխվել նաեւ երկու անձինք՝ ՀԱԿ ակտիվիստ Սարգիս Գեւորգյանն ու Զավեն Գրիգորյանը։

• Փաշինյանը վերադարձավ Բաղրամյան պողոտա. Նրան այստեղ դիմավորեցին Էդմոն Մարուքյանն ու Արամ Սարգսյանը (ուղիղ)
• Ոստիկանությունը ջրցան մեքենա է բերել Բաղրամյան պողոտա (ֆոտոռեպորտաժ)
• Լարված իրավիճակ Բաղրամյանում. Փաշինյանն անցավ փշալարը. ոստիկանությունը հատուկ միջոցներ կիրառեց (ֆոտոռեպորտաժ, ուղիղ)
• Նիկոլ Փաշինյանը տեղափոխվել է «Նաիրի» ԲԿ (Ֆոտո)
• «Բախմա՞ն եք տանում, ի՞նչ եք շահելու». Բաղրամյան պողոտայում ցուցարարները ճեղքեցին շղթան ու հասան փշալարերին (Ֆոտո)