Գերատեսչական մի քանի շենքեր շրջափակելուց եւ այնտեղ խմբեր թողնելուց հետո Նիկոլ Փաշինյանն իր աջակիցների հետ վերադարձավ արտաքին գործերի նախարարության մոտ (ֆոտոռեպորտաժ):
Այստեղ Փաշինյանը հայտարարեց, որ այսօր սպասվող հանրահավաքը տեղի կունենա ոչ թե Ֆրանսիայի, այլ Հանրապետության հրապարակում: Այնուհետեւ նախաձեռնության առաջնորդը կոչով դիմեց աջակիցներին. «Հենց դուռը բացվում է, դռների արանքը մի քանի հոգով պառկում եք, մյուսները, թեկուզ տրորելով, մտնում են ներս ու առանց բռնության նստացույց են անում: Հենց մեկը դուրս եկավ, ասաց՝ ախպեր վատ եմ, պիտի դուրս գամ, պառկում եք դռների արանքը»:
Նշենք, որ Նիկոլ Փաշինյանը Ֆրանսիայի հրապարակում հայտարարեց, որ երկրում թավշյա հեղափոխություն է իրականացնելու: Նա բոլորին կոչ արեց դուրս գալ փողոց, շրջափակել կառավարական հաստատություններն ու նստացույցեր կազմակերպել: Այս հայտարարությունից հետո երթ մեկնարկեց, որի ընթացքում ցուցարարները սկսեցին գերատեսչական շենքեր շրջափակել: Այս պահին շրջափակված են գլխավոր դատախազության, Վճռաբեկ դատարանի, ԱԳՆ-ի, ՊԵԿ-ի շենքերը:
- Ակտիվիստների 10-15 հոգանոց խմբերը հսկում են շրջափակված պետական հաստատությունների մուտքերը (Ֆոտո)
- Ցուցարարները շրջափակեցին ՊԵԿ-ի շենքը եւ շուրջ մեկ տասնյակ պետական հաստատություններ (Ֆոտո)
- Ակտիվիստները Նիկոլ Փաշինյանի գլխավորությամբ ԱԳՆ հասան
- Ակտիվիստները նստացույց են անում դատախազության եւ Վճռաբեկ դատարանի շենքերի առջեւ (ուղիղ)
- Նիկոլ Փաշինյանը շրջափակում է գլխավոր դատախազության շենքը
