Թուրքիայի կառավարությունը յոթերորդ անգամ որոշել է երկարաձգել արտակարգ դրության ռեժմիը: Anadolu-ն հաղորդում է, որ արտակարգ դրությունը եւս երեք ամսով երկարացվել է:
Ինչպես հայտարարել է Թուրքիայի փոխվարչապետ Բեքիր Բոզդագը, արտակարգ դրության հիմնական թիրախը կդառնան ահաբեկիչներն ու ահաբեկչական խմբերը, ոչ թե խաղաղ քաղաքացիները:
Նշենք, որ թուրքական իշխանությունները արտակարգ դրություն են հայտարարել 2016 թվականի հեղաշրջման անհաջող փորձից հետո: Արտակարգ իրավիճակի շրջանակներում ոստիկանության եւ կառավարության ընդլայնված լիազորությունները հանգեցրել են ավելի քան 100 հազար մարդկանց կալանավորմանը, մոտ 150 հազար մարդ աշխատանքից ազատվել է քարոզիչ Ֆեթուլա Գյուլենի հետ կապերի կասկածանքով, որին Թուրքիայի նախագահը մեղադրում է հեղաշրջում կազմակերպելու մեջ:
