Մեքսիկացի թմրաբարոն Խոակին Գուսմանի, որը հայտնի է որպես «Էլ Չապո», հոգեկան վիճակը վատացել է, պնդում են նրա փաստաբանն ու կինը:
Էլ Չապոյին, որը արտահանձնվել էր Միացյալ Նահանգներին, թմրամիջոցների առեւտրի, փողերի լվացման, սպանությունների եւ առեւանգումների մեղադրանքով դատավարություն է սպասվում: Նրան ցմահ բանտարկություն է սպառնում, հաղորդում է AP-ն:
«Նա այնպիսին չէ, ինչպիսին ես նրան առաջին անգամ հանդիպել էի», - ասել է փաստաբան Էդուարդո Կորոնելը:
Թմրաբարոնի կինը՝ Էմմա Կորոնելն ասել է, որ նրան թույլ չեն տվել շփվել ամուսնու հետ, այն բանից հետո երբ նա 2017-ին արտահանձնվել է ԱՄՆ-ին:
Գուսմանը բողոքում էր ամերիկյան բանտի պայմաններից, որոնք հանգեցրել են նրա առողջական խնդիրներին: Նա պնդում է, որ ամեն օր տառապում է գլխացավերից եւ փսխումից:
ԱՄՆ-ի իշպանությունները վստահեցրել են դատավորին, որ քայլեր են ձեռնարկել խնդիրների լուծման համար: