Մեծ Բրիտանիայի կառավարությունը 15 միլիոն ֆունտ ստերլինգ կտրամադրի Ազգերի Համագործակցության անդամ երկրներին կիբերհանցագործությունների դեմ պայքարի համար: Այս մասին Բրիտանիայի վարչապետ Թերեզա Մեյը կհայտարարի Լոնդոնում ապրիլի 18-ին կայանալիք Ազգերի Համագործակցության (ԱՀ) գագաթնաժողովին, նշվում է Դաունինգ սթրիթի հայտարարության մեջ, փոխանցում է «ՌԻԱ Նովոստի»-ն:
Ակնկալվում է, որ նշված միջոցները հատկացվելու են առաջիկա երեք տարիների ընթացքում եւ ուղղված են կիբերանվտանգության ամրապնդմանն ու աջակցությանը հանցավոր խմբերի եւ թշնամական «պետական սուբյեկտների» դեմ պայքարին, որոնք սպառնալիք են ներկայացնում գլոբալ անվտանգությանը, այդ թվում նաեւ՝ Մեծ Բրիտանիայում: