Սկզբում ոստիկաններին հաջողվել էր բացել պողոտան, սակայն ցուցարարների թիվն ավելանալուն զուգահեռ, նրանք նորից փակել են ճանապարհը:

Ոստիկանները կանգնած են պողոտայի մեջտեղում, որպեսզի թույլ չտան փակել պողոտայի նաեւ մյուս հատվածը: Լրացուցիչ ոստիկանական խմբեր եկան այստեղ:

Ցուցարարները վանկարկում են՝ «միացեք», «Քայլ արա, մերժիր Սերժին»:

Նշենք, որ Երեւանում մռայլ եղանակ է, քաղաքի որոշ հատվածներում անձրեւ է գալիս:

Այսօր առավոտից քաղաքի տարբեր հատվածներում լարված իրավիճակներ է առաջանում ցուցարարների եւ ոստիկանների միջեւ. ակտիվիստները քաղաքի տարբեր փողոցներում փորձում են փակել փողոցները, այդ թվում մեքենաներով: Ոստիկանները արագ ժամանելով տվյալ վայրեր, փորձում են բացել փողոցները: Ոստիկանները, այդ թվում քաղաքացիական հագուստներով բերման են ենթարկում ցուցարարներին, ընդ որում, բերման են ենթարկում ոչ ոստիկանական մեքենաներով:

Նշենք, որ առավոտից փակվել-բացվել են մասնավորապես, Գյուլբենկյան փողոցը, Կոմիտասի պողոտան, Մաշտոցի պողոտան, Դավիթաշենի կամուրջը, Եղվարդի մայրուղին, Գրիգոր Լուսավորիչ փողոցը, Ազատուիթյան պողոտան, Արշակունյաց պողոտան, Երեւան-Աբովյան ճանապարհը, Վարդանանց փողոցը, կորյուն փողոցը, Պուշկին փողոցը եւ այլն:

Ժամը 13-ի դրությամբ բերման ենթարկվածների թիվը հասնում է 107-ի, նրանց մեջ է Նիկոլ Փաշինյանի որդին, որին ավելի ուշ ազատ են արձակել:

• Քաղաքապետարանի մոտ ցուցարարները փակեցին Գրիգոր Լուսավորիչ փողոցը, ապա նաեւ Արշակունյաց պողոտան (ուղիղ)
• Լարված իրավիճակ Մաշտոցի պողոտայում. ոստիկանները ցուցարարների են բերման ենթարկում (ֆոտոռեպորտաժ)
• Ցուցարարները փորձել են փակել Երեւան-Աբովյան ճանապարհը՝ ուղեմասում երեխաների նստեցնելով (ուղիղ, ֆոտոռեպորտաժ)