News
Լրահոս
News
Չորեքշաբթի
Մայիս 22
Տեսնել լրահոսը

ՀՀ քննչական կոմիտեի ներքին անվտանգության վարչությունում իրականացված ծառայողական քննությամբ բավարար տվյալներ են ձեռք բերվել՝ քննիչի կողմից իր վարույթում քննվող քրեական գործով ՀՀ քրեական դատավարության օրենսգրքով սահմանված նորմերը խախտելու վերաբերյալ:

ՀՀ Քննչական կոմիտեից NEWS.am-ին հայտնում են, որ ՀՀ քննչական կոմիտեի նախագահի տեղակալ, ԶՔԳՎ պետի  միջնորդության հիման վրա ՀՀ ՔԿ ներքին անվտանգության վարչությունում իրականացված ծառայողական քննության արդյունքում պարզվել է, որ 16.11.2017թ հարուցված քրեական գործով  ԶՔԳՎ չորրորդ կայազորային քննչական բաժնի քննիչը միջնորդություն է ներկայացրել նախաքննության ժամկետը երկարացնելու մասին՝ նախաքննության ժամկետը լրանալուց 42 օր անց՝ 28.02.2018թ.: Նշված ժամանակահատվածում, առանց նախաքննության ժամկետը երկարացնելու, քննիչը քրեական գործով կատարել է մի շարք կարեւոր դատավարական գործողություններ, որպիսի պայմաններում կատարված գործողությունների արդյունքները ճանաչվել են ապօրինի եւ անթույլատրելի:

Քննիչի կողմից չեն պահպանվել ՀՀ քրեական դատավարության օրենսգրքի 197-րդ հոդվածի 6-րդ մասի, ինչպես նաեւ՝ «Նախաքննության ժամկետը երկարացնելու մասին միջնորդություն հարուցելու որոշում կայացնելու աշխատանքների կազմակերպման միասնականության վերաբերյալ ուղեցույցը հաստատելու մասին» ՀՀ ՔԿ նախագահի 17.11.2014թ թիվ 11-Ա հրամանի 8-րդ կետի պահանջները:

Նկատի ունենալով քննիչի կողմից կատարված խախտման բնույթն ու դրա հետեւանքները՝ ՀՀ ՔԿ նախագահը միջնորդություն է ներկայացրել կարգապահական հանձնաժողովին՝ քննիչի նկատմամբ «պաշտոնից ազատում» կարգապահական տույժը կիրառելու նպատակահարմարության հարցը քննարկելու համար։ ՀՀ քննչական կոմիտեի կարգապահական հանձնաժողովը հիմնավորված է համարել խախտման փաստը եւ քննիչի մեղավորությունը։

Հիմք ընդունելով ՀՀ ՔԿ կարգապահական հանձնաժողովի եզրակացությունը՝ քննիչի նկատմամբ կիրառվել է «պաշտոնից ազատում» կարգապահական տույժը եւ ՀՀ ՔԿ նախագահի հրամանով ազատվել աշխատանքից, իսկ  վերադասի՝ չորրորդ կայազորային քննչական բաժնի պետի տեղակալի նկատմամբ կիրառվել է «զգուշացում» կարգապահական տույժը՝ ՀՀ քրեական դատավարության 193-րդ հոդվածով սահմանված իր լիազորությունները պատշաճ կարգով չիրականացնելու համար։

Տպել
Կարդացեք նաև
Ամբողջը
Պատահարից օրեր անց «Միցուբիշի»-ի 40-ամյա վարորդը մահացել է
Մայիսի 16-ին, ժամը 06.10-ի սահմաններում, Երեւան-Մեղրի ճանապարհի 327-րդ կմ-ին իրար էին բախվել «ԲՄՎ-525» եւ «Միցուբիշի Գրանդիս» մակնիշի ավտոմեքենաներ...
Մի խումբ քաղաքացիներ Թուրքիայից ձեռք բերված բեռների մի մասը ներկրել են Հայաստան՝ առանց հայտարարագրման. ԱԱԾ
Հայտնաբերվել են մեկ ավտոբուսով և 5 «Ֆորդ տրանզիտ» ավտոմեքենաներով ՀՀ տեղափոխված շուրջ 14 տոննա տարբեր տեսակի...
Մեկ օրում բացահայտվել է 54 հանցագործություն. Պետական սահմանն ապօրինի հատել, ծնողներից երեխային ապօրինի բաժանել
Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար, ինչի հետեւանքով 3 մարդ զոհվել է, 21-ը՝ ստացել տարբեր աստիճանի մարմնական վնասվածքներ…
«Վարդա» գիշերային ակումբի մոտ տեղի ունեցած սպանության գործի վարույթը կարճվել է
Քննությամբ հիմնավորվել է՝ ակումբի տնօրենի կողմից իրականացվել է անհրաժեշտ պաշտպանություն...
Կոմիտասի պողոտայում տեղի ունեցած ծեծի գործով մեղադրանք է առաջադրվել Լեւոն Երանոսյանի տղային ու փեսային
Լեւոն Երանոսյանն այս գործով ունի վկայի կարգավիճակ...
«Զնդանչի Զազոն» ոստիկաններին հայտնել է, որ իր հարեւաններ Կայծակյանն ու Որոտյանը հողատարածքի պատճառով միմյանց ծեծում են
Աղբյուրի տեղեկություններով՝ Ա. Կայծակյանն ու Հ. Որոտյանը հրավիրվել են ոստիկանություն, կատարվածի մասին բացատրություն են տվել եւ բաց թողնվել...