Երեւանի «Մալաթիա» առեւտրի կենտրոնի աշխատակիցներից մի քանիսին քիչ առաջ բերման են ենթարկել Թումանյան-Մաշտոց խաչմերուկից:
NEWS.am-ի թղթակիցը հաղորդում է, որ առեւտրի կենտրոնի աշխատակիցները փակել էին նախ Մաշտոցի պողոտա- Ամիրյան խաչմերուկը, ապա Պուշկին-Մաշտոց հատվածը: Այնուհետեւ ցուցարարները բարձրացել են վերեւ եւ աղբամաններով փակել Թումանյան- Մաշտոց խաչմերուկը: Ոստիկանությունը սկսել է ուժի կիրառմամբ ցուցարարների բերման ենթարկել: Նրանք ցուցարարների են բերման ենթարկել նաեւ Ֆրանսիայի հրապարակից:
Այժմ գործադուլ հայտարարած առեւտրականները երթով հասել են Արտաքին գործերի նախարարության մոտ: