«Լուսավոր Հայաստան» կուսակցությունը կմասնակցի համաժողովրդական շարժման գործընթացին։
Կուսակցության նախագահ Էդմոն Մարուքյանի տարածած հայտարարության մեջ ասվում է. «Այսօր ժամը 11:00-ին Լուսավոր Հայաստան կուսակցությունը կլինի հանրապետության հրապարակում և կմասնակցի համաժողովրդական շարժման գործընթացին:
Հայաստանի հանրապետական կուսակցությունը կորցրել է ժողովրդի վստահությունը և վերջինիս կողմից որևէ անձի առաջադրումը վարչապետի պաշտոնում անընդունելի է և պետք է կանխվի»:
Նշենք, որ բողոքի ակտիվ գործողություններին իր բոլոր հնարավորություններով եւ ուժերով մասնակցելու մասին այսօր հայտարարել է «Ելք» դաշինքի մյուս ուժը՝ «Հանրապետություն» կուսակցությունը։
Հիշեցնենք, որ երբ «Ելք» դաշինքի անդամ «Քաղաքացիական պայմանագիր» կուսակցության առաջնորդ Նիկոլ Փաշինյանը հայտարարեց փողոցային պայքար սկսելու մտադրության մասին, «Ելք»-ի մյուս երկու կուսակցությունները՝ «Հանրապետությունը» եւ «Լուսավոր Հայաստան»-ը դեմ էին դրան:
