Ֆրանսիայի նախագահ Էմանուել Մակրոնը կարծում է, որ ԱՄՆ-ն կվերադառնա կլիմայի հարցով Փարիզյան համաձայնագրին։ Այս մասին նա հայտարարել է ԱՄՆ կոնգրեսում ելույթի ժամանակ, փոխանցում է AP-ն։
Մակրոնը վստահություն է հայտնել, որ ԱՄՆ-ն կրկին կմիանա Փարիզյան համաձայնագրին․ «Եկեք համատեղ աշխատենք, որ մեր մոլորակը կրկին առողջ դարձնենք եւ ստեղծենք նոր աշխատատեղեր ու նոր հնարավորություններ՝ պաշտպանելով Երկիրը»,-նշել է նա՝ հավելելով, որ կլիմայի տաքացման շարունակման պարագայում «Պլան Բ» չի լինի։