News
Լրահոս
News
Չորեքշաբթի
Հունիս 19
USD
477.78
EUR
534.35
RUB
7.43
ME-USD
0.14
Տեսնել լրահոսը

Եթե իշխանությունը Հայաստանում ձեւավորվի հրապարակում, դա կնշանակի, որ Երեւանում չկա միջազգայնորեն ճանաչված իշխանություն եւ Հայաստանի հարեւան երկրները կարիք չունեն կատարել պարտավորություններ Հայաստանի նկատմամբ»,-«Վզգլյադ»-ին հայտնել է Սոցիալական հետազոտությունների փորձագիտական ինստիտուտի փորձագիտական խորհրդի ղեկավար Գլեբ Կուզնեցովը:

Նա նշել է, որ Երեւանում ծավալվող իրադարձությունների վերաբերյալ երկու տեսակետ կա. «Առաջինը՝ Փաշինյանը պարզապես առեւտուր է անում: Երկրորդը, որ նա շատ լրջորեն ցանկանում է գնալ Միխայիլ Սաակաշվիլիի կամ ուկրաինական մայդանի առաջնորդների ճանապարհով: Իմ կարծիքով, երկրորդն ավելի մոտ է իրականությանը:

Կուզնեցովի խոսքով, նա հակված չէ թերագնահատել Փաշինյանի ներուժը. «Հակառակը, դա պետք է ընդունել որպես լուրջ սպառնալիք: Մենք բոլորս մանկուց հիշում ենք հետեւյալ արտահայտությունը. «Հեղափոխությունը ունի սկիզբ եւ չունի վերջ»: Իրավիճակը շիկացած է, մարդիկ գրգռված են, իշխանությունը ցույց է տվել իր թուլությունը: Պետական ինստիտուտները պարզվեց ամուր չեն, եւ բոլորը դա տեսան: Իրադարձությունները կարող են գնալ ցանկացած սցենարով, այդ թվում Հայաստանի համար ծայրահեղ բացասական սցենարով»,-ընդգծել է Կուզնեցովը:

Փորձագետը նշել է, որ Հայաստանը պետություն է, որը մշտապես գտնվում է արտաքին ճնշման տակ: «Եթե Հայաստանի ներսում պետականության կրախ տեղի ունենա, ապա այն կվերածվի «ձախողված պետության» (failed state): Եթե Հայաստանում իշխանությունը ձեւավորվի հրապարակում, դա կնշանակի, որ Երեւանում չկա միջազգայնորեն ճանաչված իշխանություն եւ Հայաստանի հարեւան պետությունները (առաջին հերթին Թուրքիան եւ Ադրբեջանը) բացարձակ կարիք չունեն կատարել իրենց պարտականությունները Հայաստանի նկատմամբ: Մենք բոլորս հիշում ենք, որ Բաքվում կա կարծիք, որը բարձրաձայնում է Ալիեւը, որ Երեւանը «պատմական ադրբեջանական քաղաք է»: Այսինքն խոսքը միայն Ղարաբաղի մասին չէ»:

Նրա խոսքով, շատ արյուն կհոսի, եւ թե ինչով դա կավարտվի Հայաստանի համար, բացարձակ անհասկանալի է»: Կուզնեցովը հիշեցրել է, որ Ադրբեջանը սարսափելի պարտություն է կրել Արցախ-Ղարաբաղում, երբ իշխանությունը Բաքվում չափազանց թույլ էր: «Այն ժամանակ իշխանությունը պատկանում էր այնպիսի խելապակաս ֆանատիկի, ինչպիսին էր «Ազգային ճակատի» առաջնորդ Աբուլֆազ Էլչիբեյը, որը չկարողացավ իր վերահսկողության տակ պահել պետությունը: Հիմա կարող է տեղի ունենալ հակառակ իրավիճակը»:

«Կարելի է երկար ու գեղեցիկ խոսել «ժողովրդական հեղափոխության» մասին, բայց իրականում «հեղափոխության» կայանալու գրավականն այն է, որ Հայաստանի բարձրագույն էլիտան մերժել է Սարգսյանի մոտեցումները՝ համարելով դրանք վնասակար եւ ռիսկային, եւ հեշտությամբ ազատվել է Սարգսյանից եւ նրա շրջապատից՝ հույս ունենալով, որ հանգիստ մթնոլորտում կանցկացնեն ռեժիմի դիզայնի փոփոխություն: Ու կարեւոր չէ՝ այդ դիզայնը կոսմետիկ է, թե էական: Հաշվարկը եղել է այն, որ եւ քաղաքացիները գոհ կլինեն, եւ էլիտաները կկարողանան ինչ-որ համաձայնության գալ:

Այո, պլանը լավն է, բայց Փաշինյանը խաղում է զրոյական գումարով: նա պատրաստ չէ որեւէ մեկի հետ համագործակցություն հաստատել՝ կոալիցիա կազմելով: Նա ասում է, որ կա ժողովուրդ, եւ կա նա, որպես այդ ժողովրդի ներկայացուցիչ»:

«Այն, ինչ անում է Փաշինյանը, հենց մայդան է, որը դեռ անհաջող է, որովհետեւ իշխանությունը կապիտուլյացիայի չի ենթարկվում: Իշխանությունը պատրաստ է ընդառաջ գնալ ընդդիմությանը, անցկացնել արտահերթ ընտրություններ, փոխել ինչ-որ ֆիգուրներ: Բայց հայկական էլիտաները հասկանում են բոլոր ռիսկերը: Նրանք գիտակցում են, որ Հայաստանում ուկրաինական սցենարով մայդանը կհանգեցնի էլ ավելի մեծ կորուստների, քան Ուկրաինայում: Ինչով է վտանգավոր հեղափոխությունը: Նրանով, որ այն ցանկացած երկրում անկանխատեսելի իրավիճակ է ստեղծում: Պրակտիկան ցույց է տալիս, որ սովորաբան նման իրավիճակում հաղում են ոչ ամենալավ մարդիկ»,-կարծում է Կուզնեցովը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Իմ էջը փակելու տեղը, ձեր երկրում Սահմանադրական կարգը պահպանեք». Արա Վարդանյանը՝ Արմեն Սարգսյանին
Արա Վարդանյանի էջը ոչ դուք էք բացել, ոչ էլ դուք կարաք փակեք...
Ես չեմ կարող սահմանադրական փոփոխություններ նախաձեռնել. Վահե Գրիգորյան
Վավեր հանրաքվեի միջոցով պետք է հաստատվի Սահմանադրությունը, որպեսզի հանրության մեջ բացառվեն կեղծ հանրաքվե կամ կեղծ ընտրություններ բառակապակցությունները…
Իշխան Զաքարյանը հանդիպել է Արթուր Վանեցյանին
Հանդիպման ընթացքում քննարկվել են ֆուտբոլին և ֆուտզալին առնչվող հարցեր: Իշխան Զաքարյանը նշել է, որ ֆուտբոլը և ֆուտզալը համահայկական խաղերի…
Ինձ համար ամենանախընտրելի տարբերակը կլիներ ներողություն խնդրելը եւ այդքանով թեման փակելը. Վահե Գրիգորյան
Ըստ նրա՝ նախագահ Սարգսյանի կողմից իրեն ՍԴ անդամի պաշտոնում ներկայացնելը, երբ ինքը ժամանակին քննադատել է նրան, շատ ավելի ուսուցողական է, քան եթե նա ներկայացներ մի թեկնածուի, ով իրեն մշտապես գովաբանել է…
«Հայաստան» համահայկական հիմնադրամը պետք է դառնա մեր համազգային բյուջեն. Նիկոլ Փաշինյան
Ես համաձայն եմ Հանրապետության նախագահի հետ, որ նոր ժամանակներում մենք պետք է նորովի դիտարկենք․․․
Որոշ ուժեր Հայաստանում նպաստում են մեր պոտենցիալի իմիջի խեղաթյուրմանը. վարչապետ
Որոշ ուժեր նպաստում են մեր պոտենցիալի իմիջի խեղաթյուրմանը...