ՀՀ նորընտիր վարչապետ Նիկոլ Փաշինյանը կմասնակցի մայիսի 14-ին Սոչիում կայանալիք ԵՏՄ առաջիկա գագաթնաժողովին: Այս մասին Փաշինյանը նշել է այսօր՝ մայիսի 8-ին, ԱԺ-ում լրագրողների հետ զրույցում:
Ավելի վաղ NEWS.am –ը հայտնել էր, որ ՌԴ նախագահի մամուլի քարտուղարի պաշտոնակատար Դմիտրի Պեսկովը նշել է, որ Կրեմլում ակնկալում են, որ Հայաստանը կմասնակցի մայիսին տեղի ունենալիք ԵՏՄ գագաթնաժողովին եւ հույս ունի, որ միջացառման շրջանակում տեղի կունենա ՌԴ եւ Հայաստանի առաջնորդների երկկողմ հանդիպումը:
«Անկասկած, ակնկալում ենք: Նա շատ կարեւոր անդամ է, շատ կարեւոր գործընկեր: Ավելին, որպես կանոն, նման միջացառումների շրջանակում, իհարկե, տեղի են ունենում երկկողմ հանդիպումներ, այս պատճառով կախված այն բանից, թե ով կներկայացնի Հայաստանը, մենք հույս ունենք, որ տեղի կունենան նաեւ երկկողմ շփումներ»,- ասել է Պեսկովը:
Ռուսաստանը ԵՏՄ գագաթնաժողովին Հայաստանի մասնակցության հույս ունի. Պեսկով
