Մոլդովայի նախագահ Իգոր Դոդոնը ՀՀ վարչապետ Նիկոլ Փաշինյանին հրավիրել է այցելել Քիշնեւ։ Այս մասին Իգոր Դոդոնը գրել է իր ֆեյսբուքյան էջում Սոչիում Եվրասիական տնտեսական խորհրդի նիստի շրջանակներում Նիկոլ Փաշինյանի հետ հանդիպման արդյունքների ամփոփման ժամանակ։
Նա նշել է, որ զրույցի ընթացքում հաստատել է իր մասնակցությունը Ֆրանկոֆոնիայի գագաթաժողովին, որը կկայանա հոկտեմբերին եւ նվիրված կլինի Երեւանի 2800-ամյակին. «Բացի այդ, ես Նիկոլ Փաշինյանին հրավիրել եմ այցելել Մոլդովա»։