ՀՀ ոստիկանությունը պարզաբանում է տարածել ոստիկանության ղեկավար կազմում փոփոխությունների եւ որոշ ստորաբաժանումների՝ անգործության մատնվելու տեղեկության վերաբերյալ:
Պարզաբանման մեջ, մասնավորապես, ասվում է.
«Մամուլում այսօր հրապարակում է արվել, թե ոստիկանության ղեկավար կազմում կադրային փոփոխություններից հետո ստորաբաժանումները մատնվել են անգործության եւ օպերատիվ-հետախուզական գործունեություն չի ծավալվում:
Հայտնում ենք, որ տեղեկատվությունը չի համապատասխանում իրականությանը:
Ոստիկանության աշխատանքը միշտ կրել եւ կրում է ինստիտուցիոնալ բնույթ:
Ոստիկանության ե´ւ ղեկավար կազմը, ե´ւ ստորաբաժանումները լիարժեք կատարում են իրենց գործառնական պարտականությունները, ինչը բխում է օրենքով սահմանված լիազորությունների իրականացման խնդրառությունից, իսկ աշխատանքի արդյունքների մասին հանրությունը կարող է դատել առնվազն վերջին օրերի լրահոսի տեղեկատվությամբ»:
Ավելի վաղ NEWS.am-ը հայտնել էր, որ «Ժողովուրդ» օրաթերթի փոխանցմամբ, այս օրերին իրավապահ համակարգը կանգնել է լուրջ փաստի առաջ, ոստիկանության ղեկավար կազմում կադրային փոփոխություններից հետո, երբ պաշտոնանկ ար¬վեց ոստիկանապետը, հրաժարական ներկայացրին նրա տեղակալները, ստորաբաժանումները մատնվել են անգոր¬ծության եւ քրգործերը չեն բացահայտվում: