ԱՄՆ-ում վայրի բնության պաշտպանության աշխատակիցները կրակել են արջին, որը հարձակվել է 5-ամյա աղջկա վրա։ Միջադեպը տեղի է ունեցել Կոլորադո նահանգի արեւմուտքում, հայտնում է AP-ն։
Աղջկա մայրը պատմել է, որ տնից դուրս է եկել տարօրինակ ձայների պատճառով։ Նա մտածել է, թե շունն է, բայց սարսափով տեսել է, որ արջը բռնել փոքրիկ աղջկան, եւ սկսել է բղավել։ Արջը բաց է թողել աղջկան ու հեռացել։ Հետագայում վայրի բնության պաշտպանության աշխատակիցները կրակել են կենդանուն։