Ճապոնիայի Իսիկավա նահանգում այս շաբաթ ծերությունից մահացել է աշխարհի առաջին կլոնավորված կովը: Այս մասին հայտարարել են տեղական իշխանությունները, հաղորդում է ՏԱՍՍ-ը:
Նշվում է, որ Նոտո անունով կովը 19 տարեկան եւ 10 ամսական էր: Ըստ իշխանությունների՝ կենդանին որեւէ հիվանդությունից չէր տառապում, իսկ մահը տեղի է ունեցել բնական պատճառներով:
1998-ին ծնված Նոտոն կլոնավորվել էր Կինդայի համալսարանի մասնագտների կողմից, որոնք օգտագործել էին մեծահասակ կովի ցողունային բջիջները: Կովի կլոնավորման ժամանակ օգտագործվել են նույն մեթոդները, ինչ 1996-ին Դոլի գառնուկի կլոնավորման ընթացքում:
Սովորական կովերի կյանքի տեւողությունը մոտ 20 տարի է, այնպես էր Նոտոն այս առումով լիովին համապատասխանել է իր ցեղակիցներին:
