News
Լրահոս
News
Հինգշաբթի
Մարտ 21
Տեսնել լրահոսը


Հայաստանն ինձ համար որպես նորություն է ընկալվում: Այստեղ շատ էներգիա, հույս եւ խոստումներ կան: Շատ բան դեռ հարկավոր է անել, բայց դուք դեռ 25 տարեկան եք: Այս մասին Երեւանում լրագրողների հետ զրույցում բարեգործական ակցիայի ժամանակ, որի ընթացքում 100 լսողական սարքեր բաժանվեցին, ասացէ բրիտանացի երգիչ Էլթոն Ջոնը: Երգիչը նաեւ նշեց, որ մտադիր է ՄԻԱՎ/ՁԻԱՀ-ով հիվանդ մարդկանց  եւ ԼԳԲՏ հանրության ներկայացուցիչների խնդիրների լուծմանը նպաստել (ֆոտոռեպորտաժ):

Երգիչը պատմեց, որ ԱՄՆ-ում եւ Անգլիայում շատ հայ ընկերներ ունի:

«Րաֆֆի եւ Վաչե Մանուկյանները մեր ընկերներն են: Նրանք մեզ միշտ պատմել են Հայաստանի մասին: Ահա եւ մենք եկանք եւ տեսնում ենք, որ այս երկիրը լի է էներգիայով, այն երիտասարդ է եւ պատրաստ է զարգանալ: Ես եւ Դեւիդը միշտ ցանկացել ենք գալ այստեղ, որպեսզի տեսնենք այն առաջընթացը, որն իրականացնում է նոր երկիրը: Ես այստեղ էներգիա եմ զգում: Այստեղ դեռ շատ բան պետք է արվի եւ որպես կազմակերպություն մենք մտադիր ենք  ՁԻԱՀ-ի, ՄԻԱՎ-ի, ԼԳԲՏ հանրության ոլորտներում որոշակի աշխատանք կատարել: Մենք այստեղ ենք եկել, որպեսզի հանդիպենք այդպիսի մարդկանց, բարելավենք շփումները, վերադառնանք Անգլիա եւ այնտեղից սկսենք նրանց օգնել», - ասել է նա:

Երգչի խոսքով, միշտ հաճելի է օգնել, երբ դա նպաստում է փոփոխություններին: «Անհնար է արագ փոխել մարդկանց մտածելակերպը, դա միանգամից չի լինի:  Բայց դա կլինի, հարկավոր է քայլ անել: Ամեն ինչ չէ, որ միանագմից է լինում, երեւույթները դանդաղ են փոխվում, բայց դա կատարվում է: Հետեւաբար մենք այստեղ ենք, մենք ուզում ենք օգնել, որ գործընթացն արագանա, դրա համար էլ ես ստեղծել եմ իմ հիմնադրամը: Եվ ես եկել եմ Հայաստան՝ երիտասարդ եւ էներգիայով լի երկիր, որտեղ առողջության ոլորտում շատ խնդիրներ կան, որոնք աստիճանաբար սկսվում են լուծվել: Մենք կարող ենք բարելավել այդ գործերը եւ կառավարությանն օգնել այդ ոլորտում, որպեսզի ՁԻԱՀ-ով վարակված մարդիկ հանգիստ եւ անվտանգ վայր ունենան, որտեղ նրանց կկարողանան ստուգել եւ օգնել առողջ կյանք ունենալ: Մենք ուզում ենք օգնել նաեւ ԼԳԲՏ հանրությանը», - ասել է երգիչը:

Նա նշեց, որ իր բախտը բերել է եւ Անգլիայում նա կարողացել է ամուսնանալ իր ամուսնու հետ: Նա երբեք չի մտածել, որ դա կարող է տեղի ունենալ:

«Ամեն ինչ դադնադ է փոխվում: Պետք է ամեն ինչ անկեղծ սրտով անել: Կարծում եմ, նոր վարչապետի եւ նախագահի հետ նման խնդիրները դեպի լավը կփոխվեն եւ ամեն ինչ արդեն փոխվում է: Միշտ հաճելի է փոփոխությունների փոթորկի մի ասը լինել», - ասաց նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Գարունը Զարեչնայա փողոցում» ֆիլմի ռեժիսոր Մարլեն Խուցիեւը վերակենդանացման բաժանմունքում է․ ԶԼՄ-ներ
93-ամյա կինոգործչին հիվանդանոց են տեղափոխել տնից․․․
Հայ ժողովրդի բարեկամ Կիմ Բակշին կտակել է իր աճյունի մի մասը ցրել Հայաստանում կամ Արցախում
Իմ այս նամակով եւ վերջին ցանկությամբ ես կրկին հաստատում եմ Հայաստանի, Արցախի հանդեպ իմ անդավաճան սերը․․․
Նա երբեք չէր կոտրվում, չէր ընկճվում. Ջհանգիրյանի հուշերը` Սմբատ Այվազյանի մասին
Ջհանգիրյանը հավելեց, որ Սմբատ Այվազյանը նաեւ քաղբանտարկյալ էր…
Մարդ, որ իր ամբողջ կյանքը նվիրեց հայրենիքին. Սմբատ Այվազյանն այսօր կդառնար 60 տարեկան
Կարեւոր չէ` երբ ենք ճանաչել Սմբատ Այվազյանին, կարեւորն այն է, որ մենք անցել ենք ճանապարհ…
Այս բոլոր տարիներին զգում էի նրա ներկայության կարիքը. Միքայել Աջապահյանը՝ Մեսրոպ Մութաֆյանի մասին
Հանգչիր խաղաղությամբ, սիրելի ավագ եղբայր...
Էրդողանը Tiwtter-ում հայերենով ցավակցել է Պոլսո Հայոց պատրիարքի մահվան կապակցությամբ
այսօր՝ մարտի 8-ին, Ստամբուլում մահացել է Պոլսո Հայոց պատրիարք, արք․․․