Ավստրիայի կանցլեր Սեբաստիան Կուրցը հայտարարել է, որ ամերիկյան կողմն ավելի ու ավելի անհուսալի է դառնում, դրա հետ մեկտեղ եվրոպական երկրները պետք է միասնություն պահպանեն։ Այս մասին նա հայտնել է The Financial Times–ի հետ հարցազրույցում։
Կուրցի խոսքով՝ Եվրամիության կազմից դուրս գալու Միացյալ Թագավորության որոշումը «սարսափելի է», իսկ դրա հիմնական պատճառը միգրացիոն խնդիրն է։
«ԱՄՆ–ն ավելի ու ավելի անհուսալի է դառնում մեզ համար։ Ամենակարեւորը՝ Եվրոպան պետք է միասնական մնա»,–շեշտել է նա, փոխանցում է Gazeta–ն։
