ԵՄ-ի առանձին երկրներ իրենց սեփական ազգային միջոցները կձեռնարկեն Իրանի հետ միջուկային գործարքին աջակցելու եւ իրենց ներդրումներն ԱՄՆ-ի պատժամիջոցներից պաշտպանելու համար: Այս մասին ԵՄ ԱԳՆ ղեկավարների հանդիպմանը ժամանելուն պես հայտարարել է Եվրամիության միասնական արտաքին քաղաքականության եւ անվտանգության հարցերով բարձր ներկայացուցիչ Ֆեդերիկա Մոգերինին, փոխանցում է «ՏԱՍՍ»-ը:
«Այսօր մենք կշարունակենք քննարկումը (Իրանի) ԵՄ անդամ երկրների հետ: Դա թույլ կտա ԵՄ երկրներին լրացնել իրենց կողմից ձեռնարկվող քայլերը, որոնք մենք նախաձեռնել ենք ԵՄ մակարդակով միջուկային գործարքին աջակցելու եւ ներդրումների պաշտպանության համար»,- ասել է Մոգերինին:
Հիշեցնենք, որ ԵՄ-ն ավելի վաղ գործարկել էր այսպես կոչված արգելափակող կանոնակարգը, որն իրավաբանական արգելք է նախատեսում ԵՄ տարածքում Իրանի եւ եվրոպական ընկերությունների նկատմամբ ԱՄՆ պատժամիջոցների իրականացման դեմ: