Գազի և էլեկտրաէներգիայի սակագնի նվազման հարցի շուրջ քննարկումներեն ընթանում Էներգետիկայի և բնական ռեսուրսների նախարարությունում: Այս մասին, այսօր՝ մայսիի 30-ին, ԱԺ-ում լրագրողների հետ զրույցում ասաց Էներգետիկ ենթակառուցվածքների եւ բնական պաշարների նախարար Արթուր Գրիգորյանը՝ հավելելով, որ այդ քննարկումները չեն ընթանում կառավարությունում՝ վարչապետի գլխավորությամբ: Ըստ Գրիգորյանի, քննարկումներն ընթանում են Հանրային ծառայությունները կարգավորող հանձնաժողովի հետ։
«Այս պահին քննարկումները շարունակվում են, քննարկումը սկսել ենք երեկ երեկոյան, որոնք դեռ չեն ավարտվել: 1-2 օրվա ընթացքում կավարտենք եւ կասենք: Հիմա մենք այդ հաշվարկներն ենք անում, հաշվարկների արդյունքները կհրապարակենք: Հնարավոր է ամեն ինչ մնա նույնը, հնարավոր է փոփոխություն լինի»,-հայտարարեց նախարարը:
Նա նկատեց, որ սակագների վերանայման հնարավորությունը վեց ամիսը մեկ է լինում, հետեւաբար, սակագների հնարավոր վերանայումը կլինի օգոստոսից հետո։ Արթուր Գրիգորյանը հավաստիացրեց, որ սակագների բարձրացում չի լինի, քննարկվում է միայն նվազեցնելու հնարավորությունը: