Վերջին մի քանի տարիների ընթացքում հայկական բանկերի դեպոզիտային պորտֆելը մի քանի անգամ ավելացել է եւ ավանդատուների վստահությունը 2018 թվականի ապրիլ-մայիսին (զանգվածային բողոքի ակցիաների շրջանում) չի նվազել: Այս մասին մայիսի 30-ին լրագրողների հետ զրույցում հայտարարեց Հայաստանի Կենտրոնական բանկի խորհրդի անդամ Արմենակ Դարբինյանը
Նրա խոսքով՝ Հայաստանում տեղի ունեցած քաղաքական իրադարձությունները ցույց են տվել, որ ավանդատուների վստահությունը հայկական բանկերի մասնավորապես եւ բանկային համակարգի, ներառյալ մեգակարգավորիչի հանդեպ, բավականին բարձր մակարդակում է գտնվում:
«Այս ժամանակահատվածում ավանդների մեծ արտահոսք չի գրանցվել, իսկ դուրս եկածներն (բանկի ավանդատուները) արագ վերադարձել են», - ասաց Արմենակ Դարբինյանը:
Հայաստանի Ազգային վիճակագրական ծառայության տվյալներով, հայկական բանկերի ավանդները 2018 թվականի ապրիլի 1-ի դրությամբ կազմել են 2643 տրլն դրամ՝ տարեկան կտրվածքով աճելով 23.3 տոկոսով: Ապրիլի եւ մայիսի տվյալները դեռ չեն հրապարակվել:
