Եվրամիության եւ Հայաստանի միջեւ ստորագրված համաձայնագրի հատվածները, որոնք վերաբերում են առեւտրի հարցերին, այսօրվանից նույնպես ուժի մեջ են մտնում: Այս մասին ասվում է Եվրահանձնաժողովի հայտարարության մեջ:
Եվրոպական Հանձնաժողովի հայտարարության մեջ նշվում է, որ առեւտրի վերաբերյալ համաձայնագրի հատվածները հնարավորություն կտան ԵՄ-ին եւ Հայաստանին, օրինակ, աշխատել Հայաստանում նորմատիվային բազայի բարելավման ուղղությամբ, ինչը գործարար միջավայրը եւ ներդրումային հնարավորությունները կբարելավի ինչպես Հայաստանի, այնպես էլ ԵՄ-ի ընկերությունների համար:
Հիշեցնենք, որ Հայաստանի եւ ԵՄ-ի միջեւ Համապարփակ ընդլայնված գործընկերության մասին համաձայնագիրը ուժի մեջ է մտնում հունիսի մեկից:
