Եվրասիական տնտեսական հանձնաժողովի տեխնիկական կարգավորման նախարար Վալերի Կորեշկովը ՌԴ կառավարությանն է դիմել Ռուսաստան բելառուսական կաթնամթերքի ներկրման սահմանափակումների վերաբերյալ «Ռոսսելխոզնադզորի» որոշումը չեղյալ համարելու անհրաժեշտության մասին հայտարարությամբ: Այս մասին հայտնում է ԲԵԼՏԱ գործակալությունը՝ վկայակոչելով ԵՏՀ-ում աղբյուրին:
«Հունիսի 4-ին «Ռոսելխոզնադզորի» կարգադրության հետ կապված՝ հունիսի 6-ից Ռուսաստան մի շարք կաթնամթերքների մատակարարումների սահմանափակումներ մտցնելու մասին, ԵՏՀ տեխնիական կարգավորման Կոլեգիայի անդամ (նախարար) Վալերի Կորեշկովը ԵՏՀ Կոլեգիայի հունիսի 5-ի նիստում բարձրացրել է նման սահմանափակումների ոչ իրավաչափության հարցը»,- ասլ է գործակալության զրուցակիցը:
Կորեշկովը «Ռուսաստանի կառավարություն ուղերձ է հղել ԵՏՄ իրավունքին «Ռոսսելխոզնադզորի» ընդունած կարգադրության անհամապատասխանության եւ այն հետ կանչելու անհրաժեշտության մասին»,- նշված է հաղորդագրության մեջ:
Ուղերձը հասցեագրված է առաջին փոխվարչապետ-ֆինանսների նախարար Անտոն Սիլուանովին, փոխվարչապետ Ալեքսեյ Գորդեեւին եւ գյուղատնտեսության նախարար Դմիտրի Պատրուշեւին:
Սահմանափակումների սահմանումը խախտում է Եվրասիական տնտեսական միության պայմանագրի 11-րդ բաժնի 58-րդ հոդվածի 5-րդ կետը, որի համաձայն ԵՏՄ անդամ երկրները ժամանակավոր անասնաբուժական կամ անասնաբուժա-սանիտարական միջոցառումներ մտցնելու իրավունք ունեն միայն այն դեպքում, երբ կա միության երկրի տարածքի էպիզոոտիկական վտանգ, հիմնավորել է Կորեշկովը:
Հունիսի 6-ից «Ռոսսելխոզնադզորը» սահմանափակել է Ռուսաստան Բելառուսից կաթի եւ կաթնամթերքի մի քանի այլ տեսակների մատակարարումը: ՌԴ-ն սահմանափակումները պատճառաբանում է «Բելառուսից վտանգավոր կաթնամթերքի շարունակական մատակարարումներով»: Մինսկը «Ռոսսելխոզնադզորի» գործողությունները չհիմնավորված է համարում:
