«Ես եմ» եւ «Պատիվ ունեմ» ծրագրերը շարունակվելու են։ Այս մասին այսօր՝ հունիսի 7-ին ԱԺ–ում լրագրողների հետ զրույցում նշեց պաշտպանության նախարար Դավիթ Տոնոյանը։
«Այդ ծրագրերը օրենքով եւ կառավարության որոշումներով սահմանված են, հնարավոր են փոփոխություններ, ճշգրտումներ»,–պարզաբանեց նա
Դավիթ Տոնոյանը վերոհիշյալ ծրագրերը համարում է զինվորական ծառայության տեսակ։
Իսկ «1000 դրամների» օրենքի վերացման հիմք, նախարարի խոսքով, չկա։
Հարցին, հնարավոր է նախորդ նախարարի կողմից յոթնամյա ծրագիրը վերանայվի, նա նշել է. «Հնարավոր է, որովհետեւ Զինված ուժերում ցանկացած ծրագիր ժամանակ առ ժամանակ ճշգրտվում է կապված ռիսկերի եւ սպառնալիքների գնահատումից»։