Գույան քաղաքից չինացի ձկնորսը նկարահանել է իր անսովոր որսը, որը հետաքրքրել է անցորդներին, հաղորդում է Lenta-ն՝ վկայակոչելով The Mirror-ին:
Կադրերում երեւում է, ինչպես է գետնի վրա պառկած խոշոր տարօրինակ ձուկ՝ աղավնու գլխով:
Դատելով կենդանու մարմնի ձեւից, չինացին սպիտակ ամուր՝ ծածանաձկների ընտանիքի ձուկ է բռնել: Սակայն մուտանտի ծագման մասին ավելի ճշգրիտ տեղեկություններ այլեւս հնարավոր չէ իմանալ, քանի որ տղամարդը խղճացել է ձկանը եւ բաց թողել գետը:
