News
Լրահոս
News
Շաբաթ
Հոկտեմբեր 20
Տեսնել լրահոսը

ՀՀ քննչական կոմիտեի ԶՔԳՎ ՀԿԳ քննության վարչությունում քննվող քրեական գործով իրականացված մեծածավալ քննչական գործողությունների արդյունքում բացահայտվել են զորակոչիկներից եւ նրանց հարազատներից խաբեությամբ գումարներ հափշտակելու մի շարք դրվագներ. մեղադրանք է առաջադրվել 13 անձի:

ՀՀ Քննչական կոմիտեից NEWS.am-ին հայտնում են, որ նախնական քննությամբ փաստական տվյալներ են ձեռք բերվել առ այն, որ Երեւանի փաստացի բնակիչ, 1969թ. ծնված Ա.Մխիթարյանը, զինվորական ծառայությունից ազատելու կամ տարկետում տրամադրելուն աջակցելու նպատակով, զորակոչային տարիքի հասած տարբեր երիտասարդների հարազատներից պահանջել եւ ստացել է տարբեր չափերի գումարներ։

Մասնավորապես՝ տղամարդը խոստացել է ապահովել զինվորական ծառայությունից ազատման իրավունք վերապահող ախտորոշմամբ առողջական վիճակի հետազոտման ակտերի տրամադրումը եւ դրանց համապատասխան որոշումների կայացումը՝ իրավասու պաշտոնատար անձանց կաշառք տալու միջոցով։ Այդ պատրվակով, խաբեության եւ վստահությունը չարաշահելու եղանակով 2014-2017 թվականների ընթացքում պահանջել եւ հափշտակել է տարբեր չափերի գումարներ:

Իրականացված բազմակողմանի քննության արդյունքում բացահայտվել է խարդախությամբ գումարներ հափշտակելու 7 եւ փորձ կատարելու 1 դեպք։

Բացի այդ, պարզվել է, որ Ա.Մխիթարյանը ապօրինի ձեռք է բերել եւ իրեն պատկանող «TOYOTA 4RUNNER» մակնիշի ավտոմեքենայում պահել է ռազմամթերք հանդիսացող 20 հատ 7.62 մմ, 2 հատ 9 մմ տրամաչափի փամփուշտներ, 2 հատ «Ֆ-1» տեսակի ձեռքի նռնակ` իրենց «ՈՒԶՌԳՄ» տեսակի պայթուցիչներով, պայթուցիկ նյութ հանդիսացող 200-ական գրամ քաշով 2 հատ պայթաղյուսներ:

Ձեռք բերված բավարար ապացույցների հիման վրա՝ Տավուշի մարզի հաշվառում ունեցող, բայց փաստացի Երեւանում բնակվող Ա.Մխիթարյանին մեղադրանք է առաջադրվել՝ ՀՀ քրեական օրենսգրքի 34-178-րդ հոդվածի 3-րդ մասի 1-ին կետով, 178-րդ հոդվածի 3-րդ մասի 1-ին կետով (3 դրվագ), 178-րդ հոդվածի 2-րդ մասի 2-րդ կետով (4 դրվագ) եւ 235-րդ հոդվածի 1-ին մասով:

Մեղադրանք է առաջադրվել եւս 12 անձի, որոնցից 1-ին՝ ՀՀ քրեական օրենսգրքի 38-178-րդ հոդվածի 2-րդ մասի 2-րդ կետով եւ 38-178-րդ հոդվածի 3-րդ մասի 1-ին կետով, 9-ին՝ ՀՀ քրեական օրենսգրքի 34-312-րդ հոդվածի 2-րդ մասով եւ 34-312-րդ հոդվածի 3-րդ մասի 1-ին կետով, 2-ին՝ ՀՀ քրեական օրենսգրքի 34-313-րդ հոդվածի 1-ին մասով։

Նախաքննությունը շարունակվում է, ձեռնարկվում են անհրաժեշտ քննչական եւ դատավարական այլ միջոցառումներ՝ դեպքի հանգամանքների օբյեկտիվ, լրիվ եւ բազմակողմանի քննությունն ապահովելու ուղղությամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երկաթուղային վթարի հետեւանքով Հնդկաստանում առնվազն 30 մարդ է զոհվել
Times Now կայքը հայտնել է, որ վթարի զոհերի թիվը կարող է 50 լինել ․․․
Թայլանդում պատմական հուշարձանները պղծող արտասահմանցիները կալանավորվել են
Մեղադրող կողմը վանդալիզմն ապացուցող տեսանյութ ունի․․․
Դոհա-Երեւան չվերթի օդանավի ժամանումից հետո հետախուզվողը բերման է ենթարկվել ոստիկանություն
Փաստաթղթեր, դրոշմներ, կնիքներ, ձեւաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը…
Մեկ օրում բացահայտվել է հանցագործության 43 դեպք. Սպանության սպառնալիք, լրագրողի գործունեության խոչընդոտում
Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար, ինչի հետեւանքով 9 մարդ ստացել է տարբեր աստիճանի մարմնական վնասվածքներ…
Բուլղարացի լրագրողի սպանության մեջ կասկածվողը հայտարարել է, թե չէր ցանկանում սպանել
Նա կնոջ հետ վիճել է, հարվածել է նրա դեմքին եւ նետել թփերի մեջ, թե այնուհետեւ ինչ է եղել, նրա պնդմամբ, չի հիշում…
ԱՄՆ ՌԾՈՒ ուղղաթիռը բախվել է ավիակրի թռիչքային տախտակամածին
Տուժածների ճշգրիտ թիվը չի նշվում…
Ամենաշատ
Partner news