«Նախագահը» համարվում է ամենահարուստ խորտակված նավերից մեկը: Այն Հնդկաստանից ադամանդների եւ մարգարիտների բեռ էր տանում, երբ 1684-ի փետրվարին ծովում խորտակվեց: 1989-ին Կորնուոլի ափին հայտնաբերվել էին նավի առաջին մնացորդները, այդ ժամանակ հայտնաբերվել էր 17 թնդանոթ եւ խարիսխ: Այժմ գտել են եւս յոթ թնդանոթ եւ երկրորդ խարիսխը, որը թույլ է տալիս վերականգնել նավի վերջին ժամերը, հաղորդում է moya-planeta.ru-ն:

Կորնուոլի ծովային հնագիտական համայնքի համահիմնադիր Մարկ Միլբուրնն ասում է. «Մենք գտել ենք նավի նոր մասը, դա կարող է նրա կործանման բանալին լինել»: