WestJet ավիաընկերության ուղեւորատար Boeing 737 օդանավը հրդեհի պատճառով Կալգարիի օդանավակայանում արտահերթ վայրէջք է կատարել, հայտնում է CTV-ն:

Օդանավը Կալգարի-Վանկուվեր չվերթ էր կատարում: Օդ բարձրանալուց հետո անձնակազմը շուտով բեռների հատվածից հրդեհի ազդանշան է ստացել: Որոշում է ընդունվել վերադառնալ Կալգարի: Պատահարի հետեւանքով ոչ ոք չի տուժել, օդանավը հաջող վայրէջք է կատարել, իսկ ուղեւորներին այլ օդանավ են տեղափոխել: Չի հստակեցվում, թե կոնկրետ քանի ուղեւոր է եղել: Հրդեհի պատճառները պարզված չեն: