ԱՄՆ նախագահի օգնական Դոնալդ Թրամփի օրենսդրական գործունեության հարցերով օգնական Մարկ Շորթը շուտով պատրաստվում է հրաժարական տալ, հաղորդում է ՏԱՍՍ-ը` վկայակոչելով CNBC-ին:
Նրա խոսքով, Շորթը իր գործընկերներին, ինչպես նաեւ Սպիտակ տան աշխատակազմի ղեկավար Ջոն Քելլիին, ասել է, որ պատրաստվում է պաշտոնից հեռանալ այս ամռան վերջին:
Ավելի վաղ CBS-ը հաղորդել էր, որ տարվա վերջում պաշտոնից մտադիր է հեռանալ Սպիտակ տան քարտուղար Սառա Սանդերսը: Վերջինս հերքել է այս տեղեկությունը: Հեռուստաալիքը նաեւ հաղորդել էր, որ կարող է ազատման դիմում գրել նաեւ առաջին տեղակալը՝ Ռաջ Շահը:
Վաշինգթոնի Բրուքինգս ինստիտուտի վերլուծաբանների կարծիքով, Թրամփի պաշտոնավարման առաջին տարում Սպիտակ տան կադրերի անկայունությունը կազմել է 34 տոկոս: Սա գրեթե չորս անգամ ավելին է, քան նախկին նախագահ Բարաք Օբամայի առաջին նախագահական տարում: Այժմ, երբ Թրամփը մոտենում է իր նախագահական ժամկետի կեսին, Սպիտակ տան կադրերի անկայունության մակարդակը հասել է ռեկորդային մակարդակի՝ 51 տոկոսի:
