Պորտուգալիայի խորհրդարանականների ճնշող մեծամասնությունը աջակցել է բժշկական նպատակով կանաբիսի օգտագործումը օրինականացնելուն, հաղորդում է ՏԱՍՍ-ը` վկայակոչելով El Mundo-ն:
Թերթի համաձայն, այս նախաձեռնության դեմ քվեարկած միակ կուսակցությունը Սոցիալ-դեմոկրատական կենտրոն պահպանողական քաղաքական ուժն էր:
Համաձայն օրինագծի, մարիխուանայի օգտագործումը թույլատրվում է այն դեպքում, երբ հիվանդի վրա չեն ազդում դեղամիջոցները: Բացի այդ, այն ձեռք բերելու համար բժիշկներից հատուկ տեղեկանք կպահանջվի:
Ակնկալվում է, որ օրինագիծը պետք է ստորագրի նախագահ Մարսելու Ռեբելու դե Սոուզան:
