Ինդոնեզիայի Սուլավեսի կղզում կնոջ մարմինը հայտնաբերվել է 8-մետրանոց պիթոնի ստամոքսում, հայտնում է Jakarta Post պարբերականը՝ վկայակոչելով տեղական ոստիկանությանը:
Տեղացի 54-ամյա Վա Թիբան կորել էր հինգշաբթի ուշ երեկոյան, երբ գնացել էր տնկիները ստուգելու իր տնից 1 կմ հեռավորությամբ: Նրա ընտանիքը տագնապ է բարձրացրել, երբ կինն այդպես էլ չի վերադարձել հաջորդ օրը վաղ առավոտյան: Որոնումների է գնացել քույրը, սակայն գետնին միայն հետքեր է հայտնաբերել, լապտերը, կոշիկը եւ մաչետեն, հայտնում է պարբերականը:
Կինն անմիջապես դիմել է տեղի բնակիչների օգնությանը: Մի քանի ժամ հետո նրանք խոշոր պիթոնի են գտել ուտելուց հետո ուռած ստամոքսով: Տեղացիներն օձին սպանել են եւ ստամոսը բացել, որտեղ հայտնաբերել են կորած կնոջ մարմինը:
Անցյալ տարի մի ֆերմերի կուլ էր տվել 7-մետրանոց պիթոնը:
