Գերմանիայի Դաշնային Հանրապետության պաշտպանության նախարար Ուրսուլա ֆոն դեր Լյայենը Բունդեսվերի (Գերմանիայի Դաշնային Հանրապետության զինված ուժեր) համար մինչեւ ընթացիկ օրենսդրական ժամկետի ավարտը (մինչեւ 2021 թ.) լրացուցիչ 15 մլրդ եվրո է պահանջել  եւ եւս 10 մրդ՝ մինչեւ 2022 թվականը: Այս մասին հաղորդում է «ՏԱՍՍ»-ը՝ վկայակոչելով Bild-ը եւ Պաշտպանության նախարարության գաղտնի փաստաթուղթը: Փաստաթղթում նշվում է, որ առանց լրացուցիչ միջոցների պաշտպանական ոլորտի ավելի քան 200 նոր նախագծերի իրականացումը կհայտնվի վտանգի տակ:

Գերմանական բյուջեում ռազմական բյուջեի հոդվածն արդեն այժմ երկրորդ տեղում է: Ընթացիկ տարվա համար Բունդեսվերի համար դրանում 38.5 միլիարդ եվրո է հատկացվել, իսկ հաջորդ տարվա համար 41.5 միլիարդ եվրո է նախատեսված:

Ուրսուլա ֆոն դեր Լյայենը պահանջում է միջնաժամկետ հեռանկարում ավելացնել պաշտպանական բյուջեն՝ երկրի ՀՆԱ-ի 1.5 տոկոսի չափով, այսինքն, ըստ նրա պլանների, այն մոտ 60 միլիարդ եվրո պետք է կազմի: