Թուրքիան Ռուսաստանից գնում է Ս-400 զենիթահրթիռային համալիրները, այս հարցը փակված է: Երեքշաբթի NTV-ի եթերում այսպիսի հայտարարությամբ է հանդես եկել Թուրքիայի ԱԳ նախարար Մեւլութ Չավուշօղլուն:
«Մենք Ռուսաստանից գնում ենք Ս-400 համակարգերը, այս հարցը փակված է»,- ասել է նա: Չավուշօղլուն շեշտել է, որ հանրապետությունը մտադիր չէ «այս գործարքից հրաժարվել, չնայած ԱՄՆ Կոնգրեսի Սենատի որոշմանը՝ ԱՄՆ պաշտպանության նախարարին առանց հատուկ զեկույցի ներկայացման Թուրքիային ամերիկյան սպառազինության մատակարարմանը հավանություն տալու հնարավորությունից զրկելու մասին, որը վերաբերում է Անկարայի կողմից ռուսական Ս-400 ԶՀՀ-ների գնմանը:
