Արդարադատության եվրոպական դատարանն օրինական է ճանաչել Ֆրանսիայի «Ազգային ճակատ» աջ կուսակցության առաջնորդ Մարին Լը Պենին ուղղված Եվրախորհրդարանի պահանջը՝ կառույցին 300 հազար եվրո վերադարձնելու մասին, որը նրա ֆոնդերից ծախսվել էր քաղաքական գործչի օգնականի աշխատավարձի համար: Այս մասին նշված է Լյուքսեմբուրգում երեքշաբթի հրապարակված դատարանի որոշման մեջ:
«Դատարանը մերժել է տիկին Լը Պենի հայցը՝ նշված գումարով փոխհատուցման մասին Եվրախորհրդարանի որոշումը ոչ իրավաչափ ճանաչելու մասին»,- նշված է որոշման մեջ:
Լը Պենին մերկացրել են այն անում, որ 2010-2016 թվականներին նա Եվրախորհրդարանի միջոցներով վճարել է իր օգնական Քաթրին Գրիզեի աշխատավարձը, որը, ինչպես պնդվում է, զբաղվել է ոչ թե եվրոպական հարցերով, այլ «Ազգային ճակատի» շարքերում կուսակցական գործունեությամբ:
Եվրախորհրդարանը պահանջել էր փողը վերադարձնել 2016-ի տարեվերջին: Շուտով Լը Պենը հայց էր ներկայացրել Արդարադատության եվրոպական դատարան՝ փորձելով վիճարկել այս պահանջը, փոխանցում է ՏԱՍՍ-ը:
