ՀՀԿ խմբակցության պատգամավոր Նահապետ Գեւորգյանը՝ ԱԺ-ում լրագրողների հետ զրույցում վստահեցրել է, որ երեկ Մանվել Գրիգորյանին անձեռնմխելիությունից եւ ազատությունից զրկելու քվեարկության ժամանակ դեմ քվեարկողներից չի եղել:
«Գնա դեմ քվեարկողներին հարցրա, ես, եթե շատ ես ուզում իմանաս, փակ գաղտնի քվեարկությունից, ես կողմ եմ քվեարկել»,-ասել է նա ԱԺ-ում:
Հարցին՝ մտավախություն չունի, որ մի օր էլ ԱԱԾ-ն կգնա իր հետեւից կամ իր ընկերների հետեւից՝ նա պատասխանել է. «Ի՞մ, չէ, չունեմ: Ես վախ չունեմ: Իսկ ընկերների մասին ամեն մեկը իրա տեղը թող խոսա»:
Հարցին՝ Մանվել Գրիգորյանի հետ կապված ԱԱԾ բացահայտումը իր համար է՞լ էր շոկ Նահապետ Գեւորգյանը պատասխանել է. «Իհարկե»:
Հարցին՝ դուք մտերիմ չէի՞ք իրար հետ՝ պատասխանել է. «Ո՞նց կարայինք մտերիմ չլինել, եթե մի մարզի բնակիչ էինք, հարյուր տարվա գեներալ»:
Հարցին՝ չգիտե՞ր՝ նա բանակի հացը թալանում է՝ պատասխանել է. «Որտեղի՞ց պիտի իմանայի ես, արդեն պրովոկցիոն հարցեր եք տալիս»