«Սասնա ծռերի» գործով դատական նիստին փաստաբան Տիգրան Եգորյանը միջնորդեց ԱԺ երկու պատգամավորների անձնական երաշխավորությամբ ազատ արձակել «Սասնա ծռերի» անդամ Գագիկ Եղիազարյանին: Այս մասին այսօր՝ հունիսի 20-ին, փաստաբանը հայտարարեց Երեւանի ընդհանուր իրավասության դատարանի Շենգավիթի նստավայրում:
Նշենք, որ անձնական երաշխավորություն էին ներկայացրել «Ծառուկյան» դաշինքի պատգամավորներ Սերգեյ Բագրատյանն ու Նաիրա Զոհրաբյանը: Տիգրան Եգորյանը նշեց, որ 500 հազար ական դրամ վճարումները կատարված են, պատգամավորները դատարան կներկայանան այսօր՝ 16:30-ին:
Մյուս փաստաբանները ևս միացան այս միջնորդությանը:
Դատարանում հրապարակվում են գործովց առկա ապացույցները՝ տեսաձայնագրությունները:
Հիշեցնենք, որ «Սասնա ծռեր» խմբի գործով դատաքննությունը մի քանի ամիս շարունակ չէր սկսվում, «Սասնա ծռեր» խմբի 11 անդամի մասով գործը քննում է Արտուշ Գաբրիելյանը Ավան եւ Նոր Նորք վարչական շրջանների ընդհանուր իրավասության դատարանում, իսկ անջատված մասերով երկու գործերը քննում են Մեսրոպ Մակյանն ու Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանը: Օհանյանի լիազորությունները առողջական խնդիրների հետեւանքով դադարեցվել են, նրա փոխարեն դատավոր է նշանակվել Արշակ Վարդանյանը:
Ոստիկանության պաշտոնատար անձին մեղադրանք է առաջադրվել Գագիկ Եղիազարյանին խոշտանգելու համար